‘धादिङमा कोही नातेदार छैन । तर मेरो श्रीमान राजु रिजाल र जेठाजु पर्ने अर्जुन खनाल मिलेर घुम्न जाने भनेर धादिङबाट गाउँतिर लगे । लपाङफेदीबाट चार घण्टा हिँडेपछि

‘धादिङमा कोही नातेदार छैन । तर मेरो श्रीमान राजु रिजाल र जेठाजु पर्ने अर्जुन खनाल मिलेर घुम्न जाने भनेर धादिङबाट गाउँतिर लगे । लपाङफेदीबाट चार घण्टा हिँडेपछि बल्ल एउटा बजार आयो ।



म हिँड्न नसक्ने भइसकेकी थिएँ । रिङ्गटा लाग्यो तर बजारमा बस्न मानेनन् । उनीहरु रक्सी पिउँदै हिँड्दै गरेका थिए ।

मैले अघिल्लो दिनदेखि केही खाएकी थिइन । राती जंगलको बाटो अघि जाने भनेर हिँडे । मैले कोही केही नचिनेको ठाउँ भएकोले पछिपछि लागेँ । अलि पर जंगलमा पुगेपछि उनीहरु दुई जना रक्सी खान थाले ।बियर किनेर लगेका थिए । उनीहरु पिउँदैै थिए । मलाइ नि खा भनेर कर गर्दै थिए ।

मैले खान्न, कहिले नखाएको कुरा भनेर जिद्दी गरेँ । त्यसपछि जबरजस्ती खुवाउन खोजे । मैले नाइ भनेपछि मेरो श्रीमानले मलाई बेसरी समाते । अर्जुनले बियरको बोतलले टाउकोमा हाने ।



मैले आफूलाई समाल्नै सकिन । त्यसपछि केही कुटेको थाहा पाएँ । अनि मेरो कानको गहना लुछे । घाँटीबाट पनि झिके । त्यसपछि मलाई भीरबाट फलेछन् मैले केही थाहा पाइन ।’


धादिङको किन्ताङफेदी नजिकै दाखा–१ जंगलमा लगेर फालिएकी तनहुँ जिल्ला रानीपोखरी गाविस–९ की २२ वर्षकी जमुना रिजालले यति कुरा जिल्ला अदालतमा भन्दै गर्दा उहाँको आँखामा आँसुले भरिएको थियो । अरु मानिसले पनि हेर्दै थिए । उहाँ सम्हालिएर आफूले श्रीमानबाट पटक पटक मरेर बाँचेको तर नचिनेको मानिसले बचाएको सम्झेर खुसी भइन ।

उहाँलाई किनताङफेदीका बासिन्दाले २०७३ कात्तिक १३ गते बिहान जंगलको भरबाट उद्धार गरी स्थानीय स्वास्थ्यसंस्थामा उपचारका लागि लगेका थिए । आफ्नो उद्धार गर्नेको नाम जमुनालाई थाहा छैन श्रीमतीलाई घुम्न जान भनि तनहुँबाट धादिङ ल्याएर मार्ने नियतले भिरबाट फालेर भागेका जमुनाका श्रीमान शुक्लगण्डकी नगरपालिका—८ का २६ वर्षीय राजु रिजाल र छिमेकी जेठाजु नाता पर्ने २७ वर्षीय अर्जुन खनाललाई जिल्ला अदालतले मंगलबार पुर्पक्षका लागि थुनामा राख्न आदेश दिएको छ ।



श्रीमती मार्न खोजेको आरोपमा कात्तिक १६ गते राजुलाई र अर्जुनलाई १७ गते प्रहरीले घरबाट पक्राउ गरेको थियो । पीडित जमुनालाई २०७३ कात्तिक १२ गते तनहुँको अकला मन्दिरमा बोलाई माइतीबाट घरबाट ल्याएको २० हजार रुपैयाँ राजुले लिएका थिए । त्यसपछि गाडीमा काठमाडौं जाने भन्दै चढेका थिए । दमौली पुगेपछि अर्को बस चढे ।




मुग्लिन पुगेपछि अर्जुनलाई समेत बोलाई सुनौली जाने गाडीमा चढेका थिए । सुनौलीबाट भारत जान नपाएपछि उनीहरु राती नै फर्केर नारायणगढमै राती बास बसेका थिए । त्यसपछि १३ गते काठमाडौं जानका लागि भनेर बस चढेपछि मलेखु हुँदै धादिङबेसी पुगे । धादिङबेसीबाट लफाङफेदी जाने गाडी चढेर त्यहाँ पुगेपछि पनि बास नबसी किनताङफेदी पुगे ।

लामो यात्रापछि थाकेकी जमुना बिरामी हुँदा पनि झार्लाङ जाने भन्दै अघि लगियो । केही अगाडि जंगलमा पुगेपछि दुई जनाले रक्सी खाए । जमुनालाई नि खान भने । नखाएपछि राजुले समाते । अजर्नुले बियरको बोतलले हानेर ढाले । कान र घाँटीको गहना लुटे । अनि भिरबाट लडाएर उनीहरु भागे ।

पीडितको किनताङफेदीमा रहेको स्वास्थ्यसंस्था, जिल्ला अस्पताल धादिङ, वीर अस्पताल काठमाडांै, मणिपाल अस्पताल पोखरा र अहिले दमौलीमा रहेको स्वास्थ्य कार्यालयमा उपचार भइरहेको छ ।उज्योलोअनलाइनबा