सरकारले व्यवस्थापिका संसद सचिवालयमा दर्ता गराएको संविधान संशोधन प्रस्तावमा माओबादी केन्द्रका नेता तथा पुर्व मन्त्रि टोपबहादुर रायमाझीले असन्तुष्टि जनाएका छन् । पोलिटब्यूरो बैठकमा प्रधानमन्त्री दाहालले यो विषयमा पार्टी भित्र धेरै छलफल गर्दा बहस धेरै लम्बिन सक्ने भन्दै सहमतिको प्रयास गर्दै सरकारले संशोधन गर्ने निर्णय सुनाएका थिए । बैठकमा नेता टोपबहादुर रायमाझीले झण्डै १५ मिनेट बोलेर संविधान संशोधन प्रस्ताव अघि बढाउने सरकारको तयारीप्रति आपत्ति जनाएका थिए ।
प्रदेश नम्बर ५ टुक्राउने प्रस्तावको रायमाझीले विरोध गरेका थिए । ५ नम्बर प्रदेशका जनताहरुबीच समस्या नरहेको र त्यहाँ तराई पहाड छुट्याउनुपर्ने आवश्यकता नरहेको रायमाझीको भनाई थियो । ‘यदि त्यस्तै प्रस्ताव अघि बढे मेरो समर्थन हँुदैन भन्ने जानकारी मैले पार्टीको बैठकमा गराएको छु,’ रायमाझीले भने ।
स्थानीय तहमा समेत आन्दोलन उठिसकेको अवस्थामा त्यो प्रदेशलाई चलाउदा झन् समस्या हुने रायमाझीको दाबी थियो । झापा, मोरङ, सुनसरी, कैलाली र कञ्चनपुर लगायतका जिल्लाहरुमा विवाद रहेकाले त्यो विवाद समाधान गर्नुपर्नेमा समस्या नभएको क्षेत्रलाई चलाउनु घातक हुने उनको धाराण थियो । बिगतमा बाबुरामले गल्ती गरेपछि उनलाई छाडेको स्मरण गर्दै उनले अहिले पार्टीले अर्को गल्ती गर्न नहुने बताएका थिए । रायमाझीले कतिपयले आफुलाई एमालेमा जाने हल्ला गरेको बताउदै त्यसमा सत्यता नभएको दावी गरेका थिए । ५ नम्बर प्रदेमा मिलेर बसेका सबैलाई अब टुक्र्याउन खोजियो हामी जिल्ला बाट जनताको साथमा अदोलन चक्राउने छौ रायमाझीले भने
-
No comments:
Post a Comment