१४ मंसिर, काठमाडौं । नेकपा माओवादी केन्द्रले संविधान संशोधन प्रस्ताव संसदमा पेश गर्ने निर्णय मंगलबारको मन्त्रिपरिषद बैठकबाट गराउने तयारी गरेको छ । प्रधानमन्त्री एवम् माओवादी केन्द्रका अध्यक्ष प्रचण्डका अनुसार असन्तुष्ट पक्षको माग सम्बोधन गर्न संविधान संशोधन अनिवार्य छ र छिटै गर्नुपर्ने छ ।
पार्टीको पोलिटव्युरो बैठकलाई मंगलबार सम्बोधन गर्दै प्रधानमन्त्री प्रचण्डले संविधान संशोधनबारे आजैको मन्त्रिपरिषद बैठकबाट निर्णय गराउन प्रयास गर्ने बताएका थिए ।
बैठकमा सहभागी एक नेताका अनुसार प्रधानमन्त्री प्रचण्डले भने, ‘आज साँझ मन्त्रिपरिषद बैठक बस्दैछ र यो प्रक्रिया अब अघि बढ्छ ।’
राष्ट्रपति विद्या भण्डारीसँग सोमबार भएको छलफलमा पनि संविधान कार्यान्वयनका लागि संशोधन जरुरी भएको निष्कर्षमा राजनीतिक दलका नेताहरु पुगेको प्रचण्डको भनाइ थियो । उनले भने, ‘संविधान संशोधन पछि सरकार निर्वाचनको तयारीमा जुट्छ ।’
बैठकपछि अनलाइनखबरसँग कुरा गर्दै माओवादी प्रवक्ता पम्फा भुसालले भनिन्, ‘संविधान संशोधनको प्रस्तावबारे प्रधानमन्त्री ज्यूले जानकारी गराउनु भयो । पहिचान, सीमांकन, भाषा, नागरिकता लगायतका विषयमा संशोधन प्रस्तावबारे जानकारी गराउनु भयो । शीर्ष तहमा छलफल गरेर छिट्टै निष्कर्षमा पुग्ने कुरा छ ।’
उनका अनुसार अंगीकृत नागरिकलाई मुख्यमन्त्री पदसमेत नपाउने गरी संविधान संशोधन हुनेछ ।
No comments:
Post a Comment